Люблю Беларусь! Люблю Барысаў!

siarhiejsalas — 20.02.2010
Сёньня зьбіраў подпісы за свайго кандыдата, за свайго сябра Зьмітра Бабіцкага. Адсотак падтрымкі да непрыстойнасьці высокі, нават вельмі высокі :) Я на вялікім уздыме! Адчуваю, што бой дамо па поўнай праграме, каго б нам толькі ня выставілі.

Нас ведаюць, выдатна разумеюць, хто мы і што мы апазыцыя – тая, якая БНФ. Падпісваюцца вельмі ахвотна. Трапілася некалькі выбарнікаў, якія былі занепакоеныя ня толькі эканамічнай сытуацыяй, але і кепскім станам беларускай мовы (я ў прыемным шоку!).

Вельмі агульны партрэт падпісантаў за Бабіцкага – людзі зь сьветлай аўрай, пачуцьцём гумару, адукаваныя, шмат у каго зроблены больш-менш прыстойны рамонт у кватэрах. Людзі, якіх ня трэба пераконваць, вызначаныя.

Вельмі агульны партрэт тых, хто не падпісаўся – жанчыны 60-70 год, фізычна хворыя і спакутаваныя сваёй хваробай, расчараваныя ва ўладзе і ня маючыя жаданьня нікога падтрымліваць, а таксама некалькі маладых ілбоў гадоў 30-40 з кароткай стрыжкай: “Оппозиция? БНФ? Нет!”. Увогуле партрэт расчараваных і тых, хто за гэтую ўладу можна маляваць у досыць змрочных фарбах. Злыя, ускудлачаныя на сваё цяжкое жыцьцё, хамаватыя. Такія во як на мітынгах за Януковыча ці як ў выканкамаўскіх кабінэтах :)

У адной з кватэраў запыталі, як там справы ў Вінцэнта Вячоркі і ягонага сына. Многія былі ў шоку ад падрабязнасьцяў мінулых мясцовых выбараў. Даведаўшыся пэўныя нюансы барысаўскіх фальсыфікацыяў і некаторыя нюансы майго арышту ў 2007-м я ня раз чуў ад людзей у адказ прыкладна такое: “Усё ясна. Мы цяпер точна за вас!”

Асноўная выснова: выбары – адзіны шлях для апазыцыі намацаць пульс грамадзтва і ня выпасьць на абсалютную ўзбочыну. Таму наперад! :)

ЗЫ. Даруйце, што пішу бязь лічбаў і агульнымі словамі. Спадзяюся, вы разумееце прычыну ;)

Оставить комментарий

Популярные посты:

• Ранее
• Архив