Добры дзень!

siarhiejsalas — 30.12.2009 У гады майго юначага нацыяналістычнага чаду нехта мне ўбіў ў голаў, што па-беларуску можна вітацца толькі “Добры дзень!”, “Вітаю!”, “Прывітаньне!” і г.д. Хто ўбіў, ня памятаю. Гэта маглі быць моўныя пурысты ад мёртвай літары, а маглі быць моўныя пурысты і ад жыцьця. Ня сутнасна.

Галоўнае, што мяне пераканалі ў тым, што “Добрай раніцы!” ці “Добры вечар!” – гэта калька з той адзінай мовы, якая “нармальная”. І цяпер я з гэтым “дабрыднем” вельмі няёмка сябе адчуваю, калі са мной вітаюцца “Доброе утро!” ці “Добрый вечер!”

Нядаўна вось так павітаўся “дабрыднем” з адным пахілым ужо адстаўніком. На што той пасьміхнуўся ў мае блакіты ўсімі сваімі зморшчынамі: “Ну какой же сейчас день, Сергей? Сейчас же вечер уже!”

Карацей, у такіх выпадках адчуваю сябе нейкім вар’ятам, які згубіўся паміж усходамі і заходамі сонца. Дый ня вучыць жа кожнага таму, чаго сам толкам ня ведаеш.  

Оставить комментарий

Популярные посты:

• Ранее
• Архив