Састарэць у шматпавярховіку
siarhiejsalas — 07.03.2010 Старасьць у шматпавярховіках беларускіх гарадоў жудасная. Калі даводзіцца размаўляць з старымі, якія самотна дажываюць свой жабрачы век у чатырох бэтонных сьценах, апаноўвае вусьціш. Апошнія паўмесяцы давялося зазірнуць у вочы многіх такіх старых, вельмі многіх.Сталы ўсланыя цыратамі, хлебныя крошкі, канапы з пролежнямі, кульбы, палкі, таблеткі, іконы. Старыя здымкі за шклом сэрвантаў. Жаўтаватае сьвятло на сьценах ад лямпаў накальваньня. Радыёкропка на кухні.
Гэтыя людзі нікому непатрэбныя. І іх так шмат сярод нас, насамрэч. Страшна вось так сустрэць сваю старасьць. У шматпавярховіку.