Напішы мне ліст. Папяровы.

asia_paplausk — 21.06.2010 Я ня ведаю, якое ў цябе імя. Як зьвяртаюцца да цябе сябры... Які ў цябе колер вачэй. Які твой любімы колер, пах... Якія ты любіш пацалунак. Ці доўгія ў цябе пальцы. Ці пьеш ты каву. Ці хочаш ты завесьці лабрадора. Ці любіш ты сушы, шалікі, дзяцей, бурбарлкі, хлеб з малаком, цёплы вецер у твар, доўгія валасы, зорнае неба, махіта, ровары, шашлыкі, гальштукі. Ці пішаш ты папяровыя лісты. Ці ёсьць у цябе котка. Ці быў ты ў Парыжы. Ці ўмееш ты плаваць. Ці любіш ты падарожнічаць? У якіх краінах ты быў?..Куды марыш паехаць? Ты пьеш гарбату? Якую? Чорную, зялёную, ружовую, каркадэ?.. Ты любіш хадзіць у грыбы? А ў ягады?.. Ты... прызнаваўся ў каханьні? Ты ўяўляю, якой будзе твая жонка?..

Мяне завуць Ася.  Сябры да мяне зьвяртаюцца па-рознаму: Ася, Асільда, Асечка, Асенька... Асенька - мой любімы зварот. У мяне сінія вочы. Мяняюць колер на блакітны, калі мне хораша і цёпла. на шэры - калі ня вельмі... Я люблю сіні, блакітны, зялёны, белы, чырвоны... Пах - бэзу, ландышаў... Люблю латэ макіата. Мару завесьці лабрадора. Альбо нямецкую аўчарку. Я люблю сушы, шалікі, рознакаляровыя калготкі, бурбалкі, хлеб з малаком, цёплы вецер у твар, доўгія валасы. зорнае неба, махіта, ровары, шашлыкі, ноч... Я люблю папяровыя лісты: і пісаць, і атрымліваць.. Будзем з табой ліставацца? Я - распачну... У мяне ёсьць котка. Персідская экзатычная. Прыгажуня і разумніца. Ёй 7 гадоў. Палова твару сьветла-шэрая, палова -цёмна-шэрая. Я не была ў Парыжы. Вельмі люблю падарожнічаць. Люблю зялёную і ружовую гарбату. Люблю хадзіць у грыбы, у ягады. Вельмі люблю рыбаліць. Прызнавалася ў каханьні. Аднаму чалавеку... Але... усё апынулася падманам. 

Раскажы мне пра сябе.
Напішы мне ліст. Папяровы.

Оставить комментарий

Популярные посты:

• Ранее
• Архив