Сухие смеси М400: применение, преимущества и особенности 
Цветочный понедельник. Кактусы 
Дурной пример заразителен. Опять Эквадор на слуху. 
Версаль — великолепный дворец, в котором не было ни одного туалета 
Ни фига себе цены загнула, губа не треснет?! Американцы о ценах на выступления 
Когда тебя одолевает творческий кризис... 
Предательский "РДК"* как политический фантом "Антироссии" 
В мастерской художника 
кототерапия
Нажми на картинку
Выкройка «пальто для начинающих» 42-62
Для тех, кто шьёт. Идеи, выкройки ...
Главы о строении самовознем
kryloshanin — 28.10.2010
Товарищ мой нашёл в месте, которое так и не пожелал сообщить
любопытствующим, третью часть древнего сборника поучений
новоначальным возницам. В прошлом году я публиковал его первую и
вторую части,
весьма радостно принятые читателями моего и иных журналов. Вот,
нашлась и третья часть. В общем, приступим.Сия малыя писания приложихом на пользу возницам, да пекутся о вещех зде помянутых и добре строят самую вещь и приклад самовозный. И аще что обрящеши негораздо писано, не осуди сия списавшаго, но исправи и наполни разумнейшими речами.
О сугробех належащих и о оконцех самовозных.
Аще утре пришед, обрящеши самовоз свой осыпан зело снегами и льдами великими обложен, зиме сущи, не дерзни вскоре ятися пути. Грядущу бо ти по стогнам града, хощеши другим самовозником, вослед ти грядущим, оконца предняя запорошити или и льды великими, спадающими с возка ти, многи скорби возницам тем учинити.
Чему уподобим таковаго возницу, снегом обложеннаго? Якоже бо коток малый безсловесный в темном покрытом коробе седит. Не зрит бо, яже напреди его, ниже созади, ни по странам. Но аможе несут его, не весть, токмо сетует плачевно, скребый ногтями си и страшася грядущих нань.
Ты же пожди, любимиче, егда от теплоты движителя самовознаго оконца колесничныя протают поне мало и посем да вземлеши ся с места своего и удобно доидеши аможе хощеши.
Мнози же не имут пещи добрыя в самовозе, и сего ради во мразе великом шествуют, стуча зубы своими и руцы трыюще и дыхающе пары великими. И то не добре творят, не бо протаивают оконца своя и впадают в напасти и снемлются с другими самовозы ужасне на крестцех же и излучинах путевых. И да не будет сего с тобою!
Егда же теплота слънечная согреет стези самовозныя и льды потаивати начнут, берегися опасно, да не будут ти оконцы колесничныя заплеваны и помрачены от великих грязей путевых непролазных или от тлетворных растворений яже лиют дорожницы неключимии на стези градския, в погибель християном. Но потри оконцы тыя и взоровоспятныя зерцала очисти прилежно, и тогда узриши известно, яже окрест тебе суть, и безбедно шествие сотвориши.
О путех олядевших и о самовозных колех.
Опасен буди, о вознице, шествуя в самовозе своем зимою.
Обмерзшим бо и олядевшым стезям и стогнам, или велику снегу на них нападшуся, легце и удобне вземлется самовоз злою июзою, рекше самохотным поползновением и стремглав течет, повертываяся в страны. Тоя ради вины, не внемлет самовоз пружению укоснительному, ниже кормила послушает. И якоже кораблец мал, влаем по морю великою бурею, течет к погибели. И бывает то виною великому побитию самовозному и многому сетованию человеческому. О сю пору скобяному мастеру торжество и ликование, той бо велики прибытки себе творит, починяя попремногу битыя тарантасы. Сицевую пору многоснежну Скобяной день людие нарицают, есть бо.
Аще в зиме беспечно грядет самовозник и не имать во уме своем довольны меры отстояния, (еже бы отступити ему разумне от преди текущия колесницы), ино худо творит. Егда бо узрит преди себе возок укосняющь, восхощет и сам стати вдруг, обаче не имать отстоятельнаго пути довольна. Камо сокрытися беднику? Како бежати неминучия путевыя оказии?
Темже пружается и мятется неразумный возница, поторгнет же колоды коснительныя и коло возничное вертит во вся страны, и верескает рожцем си знаменательным, но сия не пользуют нимало. Самовоз бо, аки вепрь безумен, чуяй псы постизающия, несется проворно по олядевшему пути, нимало косняще.
В страсе же сый, возница, рад изскочити возка своего бывает, лише не бы сам убился. Но влачим непрестанно злою июзою, биет дышлом самовоза своего другий возок и той бодет иже напреди стоящь, сей же паки ин ударяет и прочая вся по ряду. И тако мнози самовозы сберутся вереницею, аки жемчюг, низан на вервицю. И стоят возки те, помизающе очима и гудуще гласы печальными.
Оле небрежения и тщеты! Толики труды и поты сбирают человецы пенязи и купуют себе колесницы многоценныя и абие во едином часе вся та истнят и на ветр пометают.
Ключается же по временом малому и дряхлому вельми и худому возку уязвити ин, драгий и многоценный самовоз. И абие бедный возница от богатого бывает поемлем в тиунску избу и судим же и на правежи поставляем, за еже погубил сицевый драгий возок.
Добро же, коли той бедный муж имать рядную грамотку особь уготовану на таковый злый прилучай. Зовется же ряд той каскою, словенски же рекше шелом, или шишак бронный, того ради, яко в страх и бережение от злых приключаев уряжается. Дают бо ся по рядной той грамоте пенязи изрядны вознице, и аще разбиет свой же возок, или чуждий, то поне ся не разорит и по миру не идет, хлебы прося. Сего ради сказывают люди о грамотке сицевой: каска убо правит (рекше, добра зело есть).
Есть же ина грамота, еже зовется в людех осако, и сия много хуждши первыя. Учинися же то прозвание сицевыя ради вины: егда кто, имый сию осаку, впадет в дорожную оказию, то показуется аки бы человек, одетый понагу токмо осокою единою, рекше, травою и сеном. Претрудно же человеку тому возвратити поне малу толику от цены изгибшаго колесничнаго прикладу.
Сего ради и приречем: добро ти, аще имаши каску, рекше шелом. Много лучше есть осаки травяныя, аще первая и дражае есть.
Сия вся рекохом ти, друже, да будеши готов ко всякой оказии. Не неради же, зиме приближающейся, разсуди благовременне и измени летния ободья в зимния, подкованныя гвоздочкы малыми. Да не емлет тя июза проклятая и да послушает самовоз кормила ти, и коснителя. Аще же будет мятель, ли вьюга, отступиши преди текущаго, аки вержением камене, да не досяжеши задних его самовозом ти. И тако избегнеши многия беды.
О кондеи прохладнеи.
Егда же пройдет зимний хлад и леди протают и вар летний уставится, тогда да возвееши кондею в самовозе своем, аще имаши. Есть же вещь зело добра, кондея, добрыми человеки измыслена же и составлена, и благо ти, аще имаши сию в самовозе своем. Веселит бо возницу и други его, отъемлет тугу же и вар, и отдохновение производит обильне. На всяко убо время творит прохладу кондея и веет малым ветрецем благовонным, аки бы не в душнем тарантасе кто шестовал, но в саде под деревы кудрявы прохлаждался приятне. Аще и весь самовоз от кровли даже и до колес слънцем немилосердным жегом, до бела прокалится, обаче добрая кондея сильна противу того пекла прохладити и остудити зело.
Прочия же возницы, бедники, не имуще кондеи, яко вельбуди мучими варом, поты многими обливаются и главы своя понурят, оконцы самовозныя отворивше. Клянут же запруды на пути, за еже стояти им надолзе, аки в конобном кипящем врении, на мног час. Благо убо ти есть, аще имаши кондею в самовозе своем.
Обаче, внимай убо, да не потворствующе телесному покою сотвориши мраз велик в самовозе своем. Вемы бо иных возниц, яже чрезмерною прохладою овеявшеся, яти быша лютою болезнию, носы своими восхлипающе и чихающе, жаром многим одержимии и трясавицею. Во всем бо подобает меру назирати и с разумом вся творити, а не безумне.
О язвах самовозных, и о прочих потребах.
Якоже бобр, невелик зверок, древо претолстое точит надолзе времени, дондеже падется с великим шумом, тако и малое язвление в самовозе, аще небрегомо есть, по некоем времени великой беде виною бывает. Сего ради не неради о малых язвицех и о рже или щербинах, зримых на колодех коснительных и прочиих таковых вещех. Но исправи я в подобно время и будеши от других возниц похваляем и сбережеши многи пенязи малым попечением и благовременною заботою.
Сотвори же и самовозныя смотрины мастерския, в уреченныя времена их, яже в книзе смотринной ся указаша, да ти известно скажет мастер, аще подобает нечто исправити в самовозе и пременити елей в движителе и соки нутряныя (разумею Онтефряж же или и Тойзол).
Обаче внимай разумно, еже ти мастер глаголет, есть бо лукавии мастери, яже солжут ти и рекут, деи, многи злыя беды и язи учинишася самовозу и нужда есть даже до пол-возка неключимовати. И аки бы негодныя части те поимати и отревати, да в тех место новы поставляти. Печется бо лукавый той мастер о скверных прибытках своих, во еже и добрыя части, аки бы отриновенныя, себе оставити, и за новы с тебе пенязи поимати. И ты смекай, ни ли за юрода тя держит и глумится втайне, окаанныи, твоего легковерия.
Не купи же елея самовознаго на торжищи, но у вернаго, добраго купца, еже ти знаем есть. Есть бо купля сия торжищная вина великому язвению самовознаго движителя. И аще послушав невегласей и плутишек, злых людей торжников, маны ти творящих малою ценою, купиши подложнаго худаго елея в добраго место и лиеши сей в устьице движительное, ино велику беду хощеши пожати. Мнози бо человецы возницы, сотвориша таковое неразумие, позде же внимаша с великой печалию гласу движителя самовознаго, како той болезнует, чихая и стуча персты своими, елеем тем подложным плюя и перхая. И слышати шумы и стуки те невозможно есть без слез и рыдания. И во всех сих вещех, ты разсуди опасне.
Об уполошнице, еже есть страж самовозный.
Благо же ти, аще имаши уполошник, рекомый страж самовозный, иже аки верный пес, почуя лихих людишек или татя прелазяща, завоет велиим гласом, весть хозяину подавая. Неразумнии же возницы купуют на торжищах малоценныя, неключимыя уполошницы, от инородец китаянских сотворенны зело неискусне, из худыя вещи ненадобныя. И сицевой китаянской уполошник непрестанно и безвременно верескает презлым лаем неподобным, аки пес безумный иже во всю нощь вопиет, ни о чесом взъярився. И то соседом и всем людем окрест живущим в великую досаду бывает, егда тем спящим, возопиет уполошник. Абие бо возскочут на одрех своих, убуждшеся воем тем, да вересканием. И поносят всячески возницу того, страшны казни ему суляще и ногами топчуще. И во оконца изсунувшись, сетуют горце и печалуются друг ко другу.
Избери же паче уполошник фряжскаго дела, ли немецкаго, или инаго, обаче добрыя вещи и смысленнаго устроения. И да не дерзнеши приставити сей к самовозу, взимаяся гордостным помыслом, яко можеши делати вся. Но паче взыщи мастера разумна и не жалей пенязей си, да приемлет мастер подобную мзду и добре сотворит поставление.
И аще сице сотвориши, то востав от сна своего, обрящеши самовоз на месте его и соседы покойны и немятежны.
О дальних странах заморских и тамошем хождении самовознем.
Аще хощеши ити в дальния страны самовозом, и ты собери собе припас, да абие обрящеши в пути потребную вещь.
Первее же, поими с собою палицу древяну, да отгониши на пути разбойникы и возбраниши зверем дивиим. Аще же впадешися в руце дорожников и обрящут ту палицу, ино ты речеши им, яко имам ю лапты ради. И тии ловцы не имут на тобе вины никоеяже.
Второе же, да имаши и оптеку с собою, рекше лекарский припас, и положиши ю созади на полатех, или в заднем погребце со огнеборцем и светообратником вкупе. И аще разболееши ся чревом, или ураниши чем уды своя, или иною коею хворию возскорбиши, ино имаши поне малое врачевание в безлюднем месте.
Егда же доидеши стран басурманских, ино ты почасту и прилежне помывай самовоз си, скребницею очищая гноище и водою ключевою окатывающе, да не излезеши на стогны града, якоже пес шелудивый, от кровли и до колес грязию облеплен, якоже на Руси обыкл еси творити. Ино ти стыд и сором от заморских гордых людишек, яже ти зело посмеются и державу нашу излают за твое нерадение.
Аще ли же в Аглицкия островы приидеши морем, и тамо прилучится ти правити самовоз, ли в Ципрус, или в Оппонскую сторону пришедше, то ты смекай, яко в тех странех стези самовознаго бежания превратне утвердишася и иже на шуей стране прямо текут, а иже на десной, - преки. Да не сотвориши буйственнаго столпотворения, ставши на десной стезе и супротив всеобдержнаго течения устремившися, или поворотивши обрящеши ся на устречной стезе, в себе дивяся – чесо ради вси тебе грозят и очесы самодвижныма помизают, и гудут заполошно, твоему безумному шествию претяще.
А дорожницы в тех странах зело немилостивы, суще папежи, да люторы, и ненавидяще правую хрестьянскую веру. Тии бо, аще и не творят засады в кущах и овразех, якоже россиянския дорожницы обыкоша, обаче егда поимают кого, николиже прощена сотворят ниже подарков приемлют от кого, бесовскою гордынею объяти. Рыльца же своя отворотивше, вины твоя к винам прилагают и понуждают многи пенязи отдати на казну свою басурманскую или и в кустодию содят, клеврети сотонинския.
Поставляют же и каморы потаенныя близ пути. И теж каморы мерою сказуют еже по преизлиху скоробежание самовозное и, аки бы живи суще, списуют знамение колесничное, и борзость течения. То же все показуют дорожницем и мытарем басурманским, да поимают скоротечца и да поставят того на правеж.
Сего ради, идя по путем тем басурманским, да назриши прилежно ходомерец си, не речет ли ти, яко попреизлиху вборзе течеши, и ты бег колесничный умеряя коснителем, разумне преходи стези. Избирательною же кочергою пошевеливая, благовременне преходи в подобную степень, удобно и непрерывно шествуя, а не порываяся с претыканием и воплем великим движительным. Не бо есть во обычае басурманском стремглав, с воем и воплем в самовозех угонзати, но тихо и немятежно тещи. И сице учиняют того ради, яко лицемери суть и страшатся тех камор потаенных уставленных или и иных возниц, подобных себе. Любят бо доносити един на другаго, яже сотвориша вины.
Се описашася в немногих словесах нарочитыя вещи, ихже подобает блюсти вознице. И ты, чадце, не небреги сих, яко мало понудив себе, вскоре обыкнеши благочинному хождению самовозному и благим обычаем украшен, похвалу получиши от братьи и спутников и сам возлюбиши покойное и неспешное шествие. И то не из страха, но добрыя совести для.
И о сих до зде.
Товарищ обещал поделиться продолжением, если найдёт его въ древлiихъ пергаменахъ.
Оригинал записи - в Живом журнале.
Сохранено
|
|
</> |
Оставить комментарий
Популярные посты:
Архив записей в блогах:
ДБ-3Ф (Ил-4) дают бомбовый залп В связи с поднятой темой морской авиации (см. ...И о флоте ) довольно интересная статья Ларинцева и Заблотского в первых «Крыльях Родины» за этот год: «Удачный сентябрь 1942 г. Ударная авиация ВВС Черноморского флота в 1942 г.». Так, примеры из нее ...
Вот и подошел я к конечной цели моего путешествия к горе Эльбрус. Для первого самостоятельного посещения горы основной задачей стояла разведка на месте как сделать восхождение на его вершину и смогу ли я это сделать. Одно дело читать отзывы и другое – самому посмотреть, что к чему. ...
агент Путина, который пытался начать майдан 3.0, огрёб люлей от агентов Путина и теперь зализывает раны в сша. шлёт своё фото. https://www.facebook.com/russ.tash ...
Известный в своё время экс-ведущий программы «600 секунд», российский публицист Александр Невзоров явно заматерел, почувствовал независимым себя от власти материально, и всё его нутро с гнильцой проявилось без прикрас. Об этом можно сделать вывод из его рассказа Артему Филатову (Радио По ...
