А ў Віцебску снег, а ў мяне -- сын 8)

silverrebel — 13.01.2012 Сёння ў мяне нарадзіўся сын. SMS-ка ад жонкі прыйшла, калі я сядзеў на судзе над Сяргеем Каваленкам.

Так што палку панцырных баяр прыбыло. 8)

І надвор'е ў Віцебску сёння самае святочнае. 8))





Прывилей короля его милости Казимира боярамъ панъцырънымъ Витебскимъ належачый

Року тисеча шесть сотъ трыдцатаго месеца Июня десятаго дня. (163).
На рокахъ судовыхъ земъскихъ о светой Тройцы, святее рыскомъ, прыпалыхъ и судовне на месцу звыкломъ, въ замку господарскомъ витепскомъ отъ правуючыхъ, передъ нами, Самуэлемъ Староселскимъ, судьею, Яномъ Дыръмонътомъ Сивицкимъ, подъсудъкомъ, а Львомъ Гуръкомъ, писаромъ, врадниками судовыми земъскими витепскими, ставшы очевисто у суду бояре панъцырные воеводства Витепского на име Карпъ Ивановичъ Ляхъ, Аника Лешковичъ Козелъ, Захарей Уласовичъ, Тарасъ Лесковичъ, листъ прывилей светобливое памети Короля Его милости Казимира всимъ бояромъ належачый передъ нами судомъ ку актыкованью положывшы, просили, абы до книгъ земъскихъ витепскихъ вечистыхъ былъ уписанъ, который уписуючы до книг, слово от слова, съ початку и до конъца, такъ се въ въ собе маетъ:
Казимиръ, Божею милостью, король польскій, великbq князъ Литовскій, рускій и княжа Пруское, Жамойтскій и иныхъ. Наместнику Витепскому пану Ивашъку Ильиничу.
Жаловали намъ тые Видъбляне Гаврыло зъ братею Селютиничи а Орътемъ Федюнич а Микула Махалковичъ а Еско Таргошынъ а Онъдрей Вековъ а Иванъ Кунъцовъ, Ахромъ Палоневичъ, а Тимофей Муковесовичъ з братомъ, а Борыс Васковичъ, Александро Шыръневъ, а Ивашко Зубовъ на Витебскии Подвойскии, што жъ дей повинны имъ увели, у подводахъ ихъ выдають подъ твоихъ наместниковых слугъ и тежъ дей коли выезджають на нашу службу и Подвойскии дей ихъ твоимъ слугамъ в послугу и тежъ дей дають их до кухни въ послугу и прыставляють дей ихъ кони водить и ясли робить и лазни топити, а здавна дей того не бывало, деди ихъ и отцы ихъ того дей службою не служывали; тые дей подвойские тые новины симъ ново увели а здавна дей деди и отцы ихъ, и оны служывали нам конемъ а доспехомъ. Ини штобы еси того доведалъ ся горазъдо, которые служъбы на нихъ Подъвойские ново будуть увели, штобы еси вси тые новины отъложылъ имъ конечно а учынилъ бы еси по давному, какъ будеть было за дядю нашого, за великого князя Витовъта и Жыкгиомнъта, которою службою служыли, а новины имъ вели уводити, а дей все будетъ по старому, какъ было за великого князя Витовъта и Жыкгиомнъта, бо мы старины не рухаемъ, а новины не уводимъ.
Писан у Вильны Июля осьмнадъцатого дня инъдыкъта чтырнадцатаго.
У того листу прывилею печать Его кор. Млсти, за покладанемъ и прозьбою звышъ речоных особъ бояръ панъцыръныхъ до книгъ земскихъ витебскихъ вечыстыхъ уписанъ.

На прывілей Аляксандра сёння сілы не хапіла. 8)

Оставить комментарий

Популярные посты: