Трапіў у аварыю

andorac — 29.12.2009
Трапіў у аварыю. Вяртаўся з Наваградку ў Менск. Праехалі ўжо Мір. А потым пачалося самае цікавае. Кавалак трасы ад Міра да Берасцейскай шашы. Дарога кепская жах, нячышчаная. А снег усё валіць і валіць. Урэшце, дзесьці за 100 кіламетраў ад сталіцы, машыну нашу занясло на сустрэчную паласу. Кіроўца спрабаваў выправіць сітуацыю, але было ўжо досыць позна. Я адчуваў, што мы ляцім на хуткасці 95 км/г ў кювет.

Ці паспеў я спалохацца? Напэўна, не паспеў. Адзінае, што рабіў - гэта закрываў рукамі галаву. Фіг яго знае, ці правільна рабіў. І спадзяваўся, што машына не перакуліцца. На шчасце, абышлося. Снег дапамог, якога ляжала вельмі шмат.

Ні ў каго з пасажыраў траўмаў няма. А вось у аўтамабілі адбіўся пярэдні бампер. Усё ж лёгка аддзелаліся.

Выходзім з машыны і бачым, што літаральна ў пяці метрах ад нашага тармазнога шляху стаіць дарожны слуп з жалобным вяночкам.

Чамусьці гэта прабіла мяне на смех. Машыну неяк выцягнуць атрымаліся, пры дапамозе іншых кіроўцаў. У Менск дабраліся цэлымі. Чамусьці нават задумаўся, ці трэба мне набываць аўтамабіль.

Так што буду вас працягваць радаваць пастамі ў жж :)

Оставить комментарий

Популярные посты:

• Ранее
• Архив