Карчы #16

yozas_gubka — 30.07.2014 Лета не лета без карчэй! Працягваем наш фотарэпартаж з месц скаплення рэдкіх экзэмпляраў:)

1. Пачнем з эксклюзіву сёняшняга выпуску - Oldsmobile Cutlass Supreme. Гады вытворчасці - 1978-1988.


2. Аўто заўважана ў Мінску на вул.Захарава. Дарэчы, у маі на Рэтра-Мінску 2014 я такой мадэлі не бачыў:


3. І на той жа вул.Захарава трохі далей стаіць Volkswagen Scirocco Mk.II:


4. Гэтая мадэль ужо праскоквала ў першых выпусках "карчэй" з Маладзечна, а яшчэ падобнае аўто нядаўна засняў maxim_cheus у Гродна.


5. Гады вытворчасці: 1981-1992.


6. На вул.Антонаўскай (паралельная вул.Захарава) пабачаны Land Rover Discovery I ранняга выпуска, вытворчасці недзе 1989-1993 гг, які не зусім падпадае пад маё азначэнне "карча", але мае надта "карчысты" выгляд:


7. Увогуле, першая мадэль "дыскаверы" выпускалася з 1989 па 1998 гады.


8. Побач з "брытанцам" стаяў адкалгашаны Renault Espace I і хоць гэтая мадэль была ў "карчах" зусім нядаўна, я вырашыў і яе зафотаць для гісторыі:


9. Гады вытворчасці: 1984-1991.


10. У раёне сквера Сімона Балівара абнаружылася Toyota Celica 4-га пакалення:


11. Гады вытворчасці: 1985-1989.


12. Жывенькі Ford Transit Mark II на вуліцах Маладзечна. Гады вытворчасці: 1978-1986.


13. У межах рубрыкі "карчы" паступова самазарадзілася невялічкая падрубрыка пад умоўнай назвай "закінутыя і забытыя", сёння яе адчыняе салодкая парачка з Івянца - савецкі ЗІЛ-157 і румынскі "жып" ARO 243:


14. Абодва ў архізанядбаным стане. Румынскі джып для Беларусі з'ява рэдкая, але аўто там-сям сустракаецца, у адным з ранейшых выпусках я паказваў фота 244-й мадэлі, што бачыў у Маладзечне на хаду:


15. Але івянецкі ARO-243 напэўна ужо ніколі не скранецца з месца:


16. Адносна рэдкі для нашых дарог Opel Kadett D універсал дажывае свой век недалёка ад лядовага палаца ў Маладзечна:


17. Нумары з пагоняй:


18. Машына дабітая і закінутая, напэўна, ёй нядоўга засталося грэцца на сонейку:


19. Наш стары знаёмы з паркоўкі ля сквера Сімона Балівара ў Мінску - Mercedes-Benz W109:


20. Фотаў яго на мабілу для 11-га выпуска, але зараз вырашыў перасняць на "шкло":


21. "Мэрс" стаіць тут даўно і, як кажуць відавочцы, на ім неаднаразова з'яўляліся цэдулкі з прапановай набыць аўто:


22. На заканчэнне выпуска, закінуты Масквіч-400 ў двары вясковага дома нашых далёкіх родзічаў з-пад Глыбокага - сямейная рэліквія, можна сказаць:)

Оставить комментарий

Популярные посты:

• Архив