Фiльм-фiльм-фiльм!
bihi_puuk — 21.08.2010 Чаму б нашаму "партызанфiльму", замест усiх гэтых устылых стужак пра подзьвiг народа, не зняць дабротнаю моладзевую камедыю? Ну i справы тае, што наздымалi ўжо iншыя?! Можна ж зрабiць дадаўшы мясцовых рызынак, пераплёўшы з класiкай жанру, калi можна так сказаць. Каб была прыгожая ўмеру (у добрым сэнсе слова) дурненькая бландзiнка, што вучыцца ва ўнiверы, скажам, на фiлолага i марыць пра вялiкаю будучыню. Каб быў яе хлопец, футбалiст мясцовай каманды, што для сябе ўжо ўсё даказаў i "спынiўся". Каб быў якi-небудзь дзiўны выкладчык, скажам, археалогii, у якога бландзiнка закахаецца i зьедзе разам на практыку. Каб на прыродзе ў гераiню закахаўся яшчэ й мясцовы перадавiк-камбайнёр, што з-за гэтага не можа нават працаваць i даваць план. Каб футбалiст i жонка выкладчыка, загадчык iдэалагiчнага аддзелу гарвыканкама, прыехалi на тую вёску ратаваць сем'i й праз некаторы час закахалiся адно ў аднаго. Каб на тую вёску на верталёце прыляцеў прэзiдэнт рэспублiкi, угаварыць камбайнёра ратаваць хлеб. Каб перадавiк адумаўшыся згадзiўся, але час жа згублены, што рабiць? Каб дзяўчына напiсала ў сваiм блогу пра праблему i папрасiла дапамогi. Каб блогеры адазвалiся i зьехалiся на ўборачнаю ў тую гаспадарку, й за некалькi дзён, канечне, перамаглi ў бiтве за ўраджай. Каб адна блогерша-праграмiстка закахалася ў таго камбайнёра i засталася зь iм жыць на вёсцы. I каб усё гэта пад вясёлаю харошаю музыку, рахiсаўскi "Сшытак...", напрыклад, самыя тыя кампазiцыi. Каб былi каларытныя мясцовыя жыхары, студэнты, шыкоўная бабка знахарка, многа добрага гумАру i гумОру. Ды й, канечне, з хэпi-эндам, а як жаш. I з вясёлымi ляпамi са здымачнага працэсу ў цiтрах... А? :)))
|
</> |