Сёння выбары Прэзідэнта Рэспублікі Беларусь
obychnaya-ya — 11.10.2015Выбары адбыліся, паведамляе Цэнтрвыбаркам. Яўка перавысіла 50%. Вось і добра! Захаваем казну разам! Разам? Дарэчы сказаць, гэта мерапрыемства я праігнаравала! Чаму? Мы ўсе ведаем, што пераможа Лукашэнка (ці я адна такая разумная)!? Трэба сказаць, што заклікі прагаласаваць на мяне не падзейнічалі. Тэлефонны званок мужа, які даведаўся, што я магу аддаць свой голас за кандыдата на ўчастку, дзе мяне няма ў спісе таксама не ускалыхнуў маю грамадзянскую свядомасць. Адчытаў мяне, як школьніцу, нагадаў аб маім грамадзянскім абавязку (дэмакратыя)! Ух! Павінна быць сорамна, так? Нават сацыяльны ролік - "Твой голас можа быць вырашальным!" мяне не пераканаў. Паштоўка з выдатнымі словамі і подпісам (копіяй) дзеючага Прэзідэнта таксама пакінула мяне абыякавай. Выбары паўсюдна - СМС ад Выбаркама, заклікі ў супермаркеце, плакаты, улёткі - якая ўвага к маёй персоне. Дапамога мая патрэбна? Толькі вось узаемнасці ад дзяржавы чакаць доўга давядзецца!
Я люблю Беларусь! Не прамяняю яе на іншую краіну, але сёння я не бачу перспектыў змяніць што-небудзь. Ад мяне, ад майго голаса нічога не залежыць! Сёння я гэта разумею. У Рэспубліцы Беларусь састарэлая нацыя, якая арыентавана на Лукашэнку (безумоўна, ёсць выключэнні). Пенсіянераў, па меры магчымасці, у краіне падтрымліваюць. Вось і перад выбарамі Аляксандр Рыгоравіч паклапаціўся і падпісаў Указ "Аб павышэнні пенсій" з 1 верасня 2015 на цэлых 5%. Вось і задобраны, старыя! Бедныя, ці ведаюць яны, як жывуць пенсіянеры ў іншых краінах? Хай бы ён паспрабаваў пражыць на гэту пенсію. Беларусы - цярплівы народ. У краіне ёсць перспектывы і магчымасці развіваць эканоміку, але з добрым палітыкам, які будзе думаць аб сваіх людзях, аб беларусах, а не рабіць паказуху для іншаземцаў.
Я не пайшла на выбары не таму, што мне "пляваць" на маю краіну, а таму што прэзідэнцкая кампанія 2015 года нічым не адрозніваецца ад папярэдніх. За нас усё вырашылі! Нам застаецца рабіць стаўкі на працэнт падтрымкі нашага "бацькі". Ваша стаўка?
|
</> |